Að skafa af bílnum fékk nýja merkingu hjá Bolvíkingnum Snævari Sölva Sölvasyni í morgun en fréttavefurinn dv.is fjallaði um skemmtilega moksturtilburði hans í dag. „Þetta gengur ekkert þetta helvíti,“ segir Snævar Sölvi sem gafst upp á því að reyna moka bílinn sinn út úr innkeyrsluna heima hjá sér við Hlíðarstræti í Bolungarvík. Snævar segir bílinn hafa snjóað í kaf á einni nóttu. Það sama má segja um aðra bíla í götunni hans. Snævar segir að leita þurfi aftur til ársins 1995 til að finna sambærilegan snjóþunga.

„Ég byrjaði að reyna að moka bílinn út í hádeginu í dag. Ég þurfti að grafa í korter þar til ég fann bensínlokið. Það er þó enginn séns að moka bílinn út nema með einhverri þungavinnuvél sem er notuð við löndun hérna ...

Fyrsti sólardagur ársins í Bolungarvík var í dag en rétt fyrir klukkan tvö teygði sólin sig upp fyrir tinda fjallanna í Syðridal og lauk þar með langri vetrardvöl sinni handan fjallanna en fréttaritari Víkara var á spjalli við Sólveigu Sigurðardóttur þegar sólin lét sjá sig tók meðfylgjandi mynd við það tækifæri. Samkvæmt gömlum og góðum hefðum má fastlega búast við að ljúffengar sólarpönnukökur verði með kaffinu hjá Bolvíkingum í dag og ætli börnin verði ekki ánægð að fá slíkt dýrindis bakkelsi eftir að hafa leikið sér úti í snjónum á þessum fallega degi.

Bolungarvíkurkaupstaður hyggst að öllu jöfnu ekki senda út álagningarseðla í bréfpósti fyrir árið 2012 en tekin verður upp sú nýbreytni að fasteignaeigendur geta nálgast álagningarseðil sinn á upplýsinga- og þjónustuveitunni Ísland.is. Þessi birting kemur í stað þess að tilkynning sé send út með hefðbundnum bréfpósti. Áfram verður hægt að óska eftir álagningarseðli í bréfpósti með því að hafa samband við skrifstofu sveitarfélagsins í síma 450-7000 eða á netfangið bolungarvik@bolungarvik.is  eða hallasigny@bolungarvik.is  

Til að nálgast seðlana er farið inn á http://www.island.is  þar er farið inn á flipann Mínar síður

Á mínum síðum er hægt að velja um tvenns ...