Bolvíkingar hafa náð stórum áfanga í baráttu sinni fyrir byggingu nýs hjúkrunarheimilis sem leysa mun af hólmi "Sjúkraskýlið" í Bolungarvík. Á dögunum var undirritaður kaupsamningur milli Bolungarvíkurkaupstaðar og Byggingarfélags eldri borgara ehf um kaup bæjarins á 1. hæð nýbyggingarinnar að Aðalstræti 20 ásamt hluta kjallara hússins. Sá hluti húsnæðisins sem nýttur verður undir hjúkrunarheimili er 450 fermetrar að stærð er keypta rýmið í kjallaranum er 150 fermetrar. Húsnæðið verður afhent í byrjun júní nk. á því byggingarstigi sem gjarnan er nefnt "tilbúið undir tréverk". Umsamið kaupverð er 110 milljónir króna.

Byggingarfélag eldri borgara ehf. hafði upphaflega áformað að á 1. hæð Aðalstræti 20 yrðu fimm söluíbúðir en Bolungarvíkurkaupstaður falaðist hins vegar eftir ...

Í tengslum við útgáfu Símaskrárinnar 2013 var efnt til samkeppni um reynslusögur af því hvernig björgunarsveitirnar hafa komið fólki til hjálpar.  Nokkrar sögur voru síðan valdar til birtingar í Símaskránni.  Í samkeppninni var keppt um peningaverðlaun, samtals eina milljón króna. Já veitir björgunarsveitum Slysavarnafélagsins Landsbjargar þá fjárhæð sem styrk en það kom í hlut höfunda þriggja reynslusagna, sem birtar voru í Símaskránni og  best þóttu lýsa mikilvægi sjálfboðaliðastarfsins,  að ákveða hvaða björgunarsveitir það voru sem fengju þessa styrki.

Bolvíkingurinn Hjálmar Friðbergsson hlaut 2. verðlaun í þessari samkeppni og kaus hann að láta verðlaun sín, kr. 300.000, renna óskiptar til Björgunarsveitarinnar Ernis í Bolungarvík. Hér að neðan má lesa reynslusögu Hjálmars sem segir frá ...

Umhverfismálaráð Bolungarvíkur leggur til að landssvæðið á Ósbökkum verði nýtt sem hundaviðrunarsvæði. Nánar tiltekið afmarkast svæðið af gamla flugvellinum, veginum að Óshólavita og sandfjörunni við Ós. Forsaga málsins er að hundaeigendur í Bolungarvík sendu umhverfismálaráði bréf fyrr í vetur þar sem þeir óskuðu eftir svæði þar sem lausaganga hunda yrði leyfð. Nokkur svæði voru skoðuð og var niðustaðan sú að mæla með því að bæjarstjórn samþykki að hundaviðrunarsvæði verði staðsett við Ósbakka.

Umrætt svæði má sjá á meðfylgjandi loftmynd.