Víkari.is - Fréttavefur Bolvíkinga
Fréttir | 9.5.2012 00:20:50 |
Sirrý með 64 tonn á einni viku

Það hefur verið mokveiði hjá skipverjunum á Sirrý ÍS að undanförnu en báturinn hefur iðulega komið vel hlaðinn að landi þegar gefið hefur á sjó. Sirrý ÍS er 15 tonna smábátur sem gerður er út á landbeitta línu en skipstjórar á bátnum eru Snorri Harðarson og Falur Þorkelsson. Fyrstu vikuna í maí hefur Sirrý komið með tæp 64 tonn að landi í 7 róðrum eða rúmlega 9,1 tonn að meðaltali í róðri. Besti róðurinn gaf rúmlega 11 tonn en sá slakasti 7,4 tonn. Aflinn hjá Sirrý í apríl var einnig mjög góður eða 184 tonn í 25 róðrum eða 7,4 tonn að meðaltali í róðri. Uppistaðan í aflanum hjá Sirrý undanfarnar vikur hefur verið steinbítur og hefur hann fengist á frekar litlu svæði út af Skálavík.

Aðrir bolvískir bátar hafa einnig fiskað vel í maí þótt þeir eigi nokkuð í land með að ná Sirrý í aflabrögðum. Fríða Dagmar ÍS er með 42,1 tonn, Hrólfur Einarsson ÍS er með 41,9 tonn, Guðmundur Einarsson ÍS er með 39 tonn og Einar Hálfdáns ÍS er með 34,6 tonn en allir bátarnir hafa farið í sjö róðra. Þá er aflinn hjá línuskipinu Þorláki ÍS farinn að glæðast eftir slaka veiði í apríl en Þorlákur hefur landað tvívegis í maí og er aflinn 63,9 tonn.  Alls hafa tæplega 30 strandveiðibátar landað í Bolungarvík þá fjóra daga sem veiðar hafa verið leyfðar í maí og er afli þeirra kominn í 61,2 tonn.

 


Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.

Bolungarvík á BB.is
Fréttir á Bolungarvík.is
Fundargerðir á Bolungarvík.is
Aðsendar greinar
Smelltu til að skoða Hvað skal kjósa? Opið bréf til frambjóðenda
20.10.2016 17:24:40

Ágæti frambjóðandi

 

Nú styttist óðum í kjördag og kosningaloforðin þeytast fram á völlinn sem aldrei fyrr. Umræðan virðist snúast að stóru leyti um hver geti ...

Smelltu til að skoða Björt Bolungarvík!
18.5.2016 23:04:46

Loksins.

 

Frá því ég fór út á vinnumarkaðinn fyrir þónokkrum árum síðan hefur gengið á ýmsu í atvinnulífi okkar hér í Bolungarvík. ...

Myndbandið
Nýleg virkni