Víkari.is - Fréttavefur Bolvíkinga
Hugrenningar úr Hólshreppi | 17.12.2007 | Kristján Jónsson
Silfurgrænn eða sápugrænn ?

Þeir eru ófáir sem eru með verðlaunabifreið mína á heilanum , enda sópaði ´93 módelið af Nissan Micra að sér öllum helstu verðlaunum í bílabransanum á sínum tíma. Sem kunnugt er viljum við snobbhænurnar í EG ættarveldinu spóka okkur á glæsibifreiðum og er ég þar engin undantekning. Á meðal þeirra sem eru með Micruna á heilanum er stétt manna sem sinna stöðumælavörslu á ákveðnum svæðum í sódómunni . Þessir menn standa vaktina af mikilli samviskusemi og virðast ekkert fallegt mega sjá án þess að skella á það stöðumælasekt.
Hefur manni verið borið ýmislegt á brýn í þeim efnum af þessum vösku fulltrúm eins og að: borga ekki í stöðumæli, borga fyrir of stuttan tíma, leggja ólöglega, leggja ólögulega, sækja ekki bifreið daginn eftir áfengisneyslu í miðbænum kvöldið áður, og þannig mætti lengi telja. Ég hjó eftir einu þegar skellt var á mig sekt á dögunum. Á sektarmiðanum er reitur þar sem vörðurinn fyllir út hvernig litur er á bifreiðinni. Í þennan reit hafa nú nokkrar útgáfur fengið að fljúga í gegnum tíðina, en þó aldrei sápugrænn þrátt fyrir að Halldór Magnússon, yfirmaður rafmagns á Vestfjörðum, kalli Micruna jafnan sápustykkið. Nú síðast þá leit ný útgáfa dagsins ljós en þá hafði staðfasti stöðumælavörðurinn skrifað „Silfurgrænn“ í umræddan reit. Um þennan lit hef ég bara aldrei heyrt, og státa ég þó af viðamikilli reynslu við að blanda alla mögulega liti, af Kópal málningu ,í búðinni hjá pabba hér áður fyrr. En reyndar hafði ég svo sem heldur aldrei séð svona lit eins og Micran skartar. En þetta hljómar óneitanlega virðulega: silfurgrænn. Það má notast við þetta sérstaklega þar sem alls óvíst er hvort þessi litur sé yfir höfuð til. Minnir þetta mig nokkuð á þegar skólastjórinn á Grenivík mótmælti því að hann væri rauðhærður, og sagðist vera með kastaníubrúnt hár.

Knús knús
Kristján Jónsson


Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.

Bolungarvík á BB.is
Fréttir á Bolungarvík.is
Fundargerðir á Bolungarvík.is
Aðsendar greinar
Smelltu til að skoða Endurskoðandi á villigötum
26.1.2016 22:38:05

Jón Þorgeir Einarsson, endurskoðandi í Bolungavík er með  nokkar ásakanir í minn garð í grein á bb.is í gær. Þeim er nauðsynlegt að svara. Fyrst er til að taka að endurskoðandinn ...

Smelltu til að skoða Rangfærslur Kristins H. Gunnarssonar leiðréttar
25.1.2016 16:40:55

Frá því að Kristinn H. Gunnarsson tók við ritstjórn blaðsins Vestfirðir hefur margt neikvætt verið skrifað um þá sem standa að atvinnurekstri í Bolungarvík. Aðallega þó um aðila ...

Myndbandið
Nýleg virkni