Knattspyrnumaðurinn Andri Rúnar Bjarnason var útnefndur íþróttamaður ársins 2017 í Bolungarvík í hófi sem fræðslumála- og æskulýðsráð Bolungarvíkur hélt íþróttafólki til heiðurs siðastliðinn föstudag. 

Andri Rúnar náði framúrskarandi árangri á fótboltavellinum á síðastliðnu ári þar sem hann varð markakóngur efstu deildar og skoraði 19 mörk í 22 leikjum fyrir Grindavík og jafnaði þar með markametið í efstu deild. Hann var jafnframt valinn leikmaður ársins og hélt í byrjun þessa árs í atvinnumennsku til Svíþjóðar þar sem hann leikur með liði Helsingborgar. Í kjölfar þessa góða árangurs var Andri Rúnar valinn í íslenska landsliðið í knattspyrnu og lék á dögunum sína tvo fyrstu landsleiki við Indónesíu og skoraði í þeim eitt gullfallegt ...

Staða yfirsundþjálfara hjá sunddeild UMFB Bolungarvík er laus haustið 2017. Sunddeild UMFB hefur verið vaxandi síðustu ár og eru þar núna rúmlega 50 iðkendur. Þá er sundlaugin í Bolungarvík er með betri sundlaugum á norðanverðum Vestfjörðum.

Þjálfun er í 5 hópum en með  möguleika á að hafa 4 hópa:

UMFB 5 er 1. bekkur

UMFB 4 er 2. og 3. bekkur

UMFB 3 er 4. bekkur

UMFB 2 er 5. og 6. bekkur

UMFB 1 er 7. bekkur og eldri

Í samstarfi við stjórn skipuleggur þjálfari sundmót, æfingaferðir og skemmtikvöld.

Æskilegt er að viðkomandi hafi reynslu af sundþjálfun/ menntun á sviði íþróttafræða.

Viðkomandi þarf að eiga auðvelt með samskipti við börn og unglinga og vera góð fyrirmynd.

Allar frekari upplýsingar má nálgast með því að ...

Bolvíski knattspyrnumaðurinn Andri Rúnar Bjarnason hefur verið sjóðheitur með liði Grindavíkur í Pepsi deildinni það sem af er sumri. Í fyrstu 5 leikjunum hefur Andri Rúnar skorað 5 mörk, þar af eina þrennu í 3-2 sigri gegn Skagamönnum á dögunum. Í gærkvöldi skoraði Andri Rúnar svo eina mark leiksins í sætum sigri Grindvíkinga á Valsmönnum og kom hann þar með Grindavík í 3. sæti deildarinnar. Þess má geta að Andri Rúnar er nú einnig markahæsti maður deildarinnar ásamt Steven Lennon í FH en þeir hafa báðir skorað 5 mörk í 5 leikjum.

Rétt er að minna á að á vefnum visir.is stendur nú yfir kosning á leikmanni maí mánaðar og þar er Andri Rúnar einn þriggja sem tilnefndur er sem leikmaður maí mánaðar í Pepsi-deild karla í knattspyrnu. Taka má þátt í kosningunni með því að smella á ...