Velgengni knattspyrnuliða BÍ/Bolungarvíkur heldur áfram en í A-riðli 1. deildar kvenna vann BÍ/Bolungarvík í dag óvæntan 3-0 sigur á Fram en leikurinn fór fram á Framvellinum í Úlfarsárdal. Eftir stórt tap gegn ÍA í fyrstu umferð átti BÍ/Bolungarvík að vera auðveld bráð fyrir Fram en stelpurnar að vestan sýndu hvað í þeim býr og unnu glæsilegan þriggja marka sigur. Anna Marzellíusardóttir skoraði fyrstu tvö mörk BÍ/Bolungarvíkur á 24. og 36. mínútu en Talita B. Pereira innsiglaði 3-0 sigur með marki á 61. mínútu leiksins.

Næsti leikur liðsins verður hér vestra laugardaginn 25. maí en þá tekur BÍ/Bolungarvík á móti ÍR.

BÍ/Bolungarvík trónir á toppi 1. deildar Íslandsmóts karla í knattspyrnu eftir leiki helgarinnar. BÍ/Bolungarvík tók á móti á móti Þrótti Reykjavík á Torfnesvelli á laugardaginn og lauk leiknum með 2-1 sigri heimamanna. BÍ/Bolungarvík byrjaði leikinn af krafti og skoruðu fyrsta mark leiksins á 13. mínútu en þar var að verki Hafsteinn Rúnar Helgason sem skoraði beint úr aukaspyrnu. Aðeins 8 mínútum síðar bættu heimamenn við öðru marki þegar Ben J. Everson skoraði eftir skyndisókn. Rétt fyrir leikslok náðu Þróttarar að minnka muninn með marki frá Andra Gíslasyni. Sjá má myndir Torfa Jóhannssonar frá leiknum á vefnum Fótbolti.net.

Eins og áður segir er BÍ/Bolungarvík í 1. sæti deildarinnar eftir fyrstu tvær umferðirnar með 6 stig en ...

Karlalið BÍ/Bolungarvíkur byrjar keppnistímabilið af krafti og hefur sigrað í fyrstu tveimur leikjum sumarsins. BÍ/Bolungarvík byrjaði á því að leggja Völsung á Húsavík í 1. deild Íslandsmótisins í knattspyrnu en leiknum með 1-0 sigri BÍ/Bolungarvíkur þar sem Hafsteinn Rúnar Helgason skoraði eina mark leiksins. Í gær tók BÍ/Bolungarvík á móti Augnabliki í Borgunarbikarnum en leikurinn fór fram á gervrigrasvellinum á Torfnesi á Ísafirði. Skemmst er frá því að segja að BÍ/Bolungarvík burstaði Augnablik en lokatölur leiksins urðu 7-1 fyrir BÍ/Bolungarvík. Ben Eversson skoraði tvö marka heimamanna en þeir Andri Rúnar Bjarnason, Nigel Quashie, Sigurgeir Sveinn Gíslason og Dennis Rasmussen Nielsen skoruðu sitt markið hver auk þess sem Augnablik gerði eitt sjálfsmark.

Næsti leikur BÍ/Bolungarvíkur verður væntanlega laugardaginn 18. maí á ...