Það verður nóg um að vera hjá bolvískum kylfingum um Verslunarmannanhelgina en fyrirhuguð eru þrjú golfmót um helgina. Á föstudagskvöld verður "Shoot-out" mót á Syðridalsvelli þar sem keppnisfyrirkomulagið er þannig að smátt og smátt verða kylfingar úr leik þar til einn þeirra stendur uppi sem sigurvegari. Á laugardaginn verður bryddað upp á þeirri nýbreytni að leiknar verða 9 holur á þremur golfvöllum eða samtals 27 holur en það mót kallast Niðurfjarðarhetjan og verður leikið á golfvöllunum í Bolungarvík, Ísafirði og Þingeyri. Að venju ljúka kylfingar Verslunarmannahelginni á hinu sívinsæla Pepsi-móti mánudaginn 6. ágúst en þá verða leiknar 18 holur í punktakeppni þar sem vegleg verðlaun verða í boði.

Skráning í golfmótin þrjú er á golf.is