Víkari.is

Gráhegrinn (Ardea cinerea) sem sást í Bolungarvík fyrir tæpri viku er enn við Syðridalsvatn, að því er fram kemur á vef Náttúrustofu Vestfjarða. Tveir gráhegrar sáust á Ísafirði fyrir stuttu og er þetta líklega annar þeirra. Gráhegrinn er vaðfugl og er vetrargestur hérlendis. Talið er að flestir gráhegrar sem koma til landsins séu frá Noregi. Fuglinn einkennir helst langur háls og háir fætur. Hann er grár að lit, með oddhvassan gogg og breiða vængi. Hann lifir á fiski og heldur sig helst í fjörum, við íslausa læki, ár, tjarnir og vötn. Meðfylgjandi mynd náði Böðvar Þórisson hjá Náttúrustofu Vestfjarða í gær. Frétt tekin af bb.is