Víkari.is - Fréttavefur Bolvíkinga
Fréttir | 4.1.2007 | bb.is
Álfabrenna í Bolungarvík
Álfabrenna verður haldin í Bolungarvík næstkomandi laugardagskvöld og hefst hún klukkan 20. Álfabrennur hafa verið til skiptis á Ísafirði og í Bolungarvík undanfarin ár og að þessu sinni er hún í höndum Bolvíkinga. Brennan fer fram á gamla malarvellinum við Hreggnasa. Mikið verður um dýrðir og munu Jólasveinarnir og foreldrar þeirra, þau Grýla og Leppalúði, heilsa upp á gesti. Eins og nafn brennunnar ber með sér verða álfar einnig á svæðinu og púkarnir frændur þeirra verða eflaust ekki langt undan. Tónlist skipar stóran sess í dagskránni og stiginn verður dans. Björgunarsveitin í Bolungarvík mun halda veglega flugeldasýningu og reiknað er með að hún verði tvöföld þar sem ekki var hægt að vera með álfabrennu í Bolungarvík fyrir tveimur árum síðan vegna veðurs. Frétt tekin af bb.is
Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.