Víkari.is

Aðsóknin í Sundlaug Bolunarvíkur hefur verið með besta móti í sumar þrátt fyrir að framan af hafi sumarið farið hægt af stað vegna fótboltamóts í Suður Afríku. Að sögn Gunnars Hallssonar, forstöðumanns íþróttamiðstöðvarinnar Árbæjar, stefnir í að fjöldi gesta í sundlaugina slái öll fyrri met og fari svo fram sem fram horfir verða 30% til 40% fleiri sundlaugargesti í júlímánuði miðað við júlí í fyrra.

Gunnar segir að það hafi verið líf og fjör í íþróttamiðstöðinni Árbæ í sumar. "Veðrið hefur leikið við gesti sundlaugarinnar sem flatmagað hafa í sólríkum og skjólgóðum sundlaugargarðinum milli þess sem sest er í pottana eða brunað í vatnsrennibrautinni nú eða bara setið og spjallað yfir kaffibolla. Gestir okkar eru almennt mjög ánægðir með þjónustuna, aðstöðuna og umhverfið enda hefur starfsfólk íþróttamiðstöðvarinnar kappkostað að taka vel á móti gestum og liðsinna þeim eftir bestu getu" segir Gunnar Hallsson.

Það er því óhætt að segja að Sundlauginn í Bolungarvík hafi í sumar verið eitt “brosandi land”.