Víkari.is

Vestfirska kvótasvindlið er borðspil sem Páll Emilson gaf út nú nýverið en hann gaf einnig út Einokunarspilið fyrir síðustu jól. Vestfirska kvótasvindlið hefur fengið fádæma góðar viðtökur og er selt í Hamraborg og Samkaup á Ísafirði en spilið er aðeins gefið út í 150 eintökum. Ríkur það út eins og heitar lummur að sögn Péturs Magnússonar sem  hjálpaði til við að gera spilið en sigurvegari spilsins verður kvótahæsti maðurinn á Vestfjörðum.

Pétur kom færandi hendi í Einarshús með vestfirska kvótasvindlið undir hendinni og færði húsinu það að gjöf. Bolvíkingar ættu að geta spreytt sig á kvótabraski ýmisskonar og tekið róðra á línubátum á leikborðinu þegar hentar því þeir einir fiska sem róa.