Víkari.is

Á morgun ganga Bolvíkingar að kjörborðinu eins og aðrir landsmenn. Það kjörtímabil sem senn er á enda hefur skipst í tvö tímabil í bæjarstjórn Bolungarvíkur. Fyrri tvö árin var meirihluti við völd sem gerði þá varhugaverðu tilraun að framkvæma hluti án þess að hafa til þess fjármagn s.s. sundlaugargarð með rennibraut og viðamiklar breytingar á félagsheimilinu. Það kom hins vegar í hlut núverandi meirihluta að bjarga bæjarfélaginu frá gjaldþroti með hjálp ríkissins. Viðsnúningurinn á rekstri Bolungarvíkurbæjar síðustu tvö ár hefur vakið eftirtekt víða enda afrek útaf fyrir sig. En Bolvíkingar vita það að hann kom ekki sársaukalaust. Hærra útsvar, skert þjónusta og minna fé í framkvæmdir er afrakstur af tilraun K listans, og það má alls ekki eiga sér stað aftur. Þetta reddast aðferðarfræðin á ekki heima í neinum rekstri og því er mikilvægt að vanda valið.

Bolvíkingar, verið minnug þess þegar þið farið á kjörstað á morgun að það getur tekið mjög stuttan tíma að eyðileggja það sem tók langan tíma að byggja upp.

Setjið X við D á morgun.

Ingólfur Þorleifsson
Bolvíkingur á Suðureyri.