Nýr Hrólfur Einarsson ÍS kom til heimahafnar í Bolungarvík nú í morgun.  Báturinn er í eigu útgerðarfélagsins Völusteins og kemur í stað eldri báts með sama nafn. Hrólfur Einarsson ÍS er 15 tonna bátur  af gerðinni Cleopatra 40B og kemur frá Trefjum í Hafnarfirði og er systurskip Fríðu Dagmar ÍS sem kom til Bolungarvíkur í mars sl. Skipstjóri á Hrólfi Einarssyni ÍS er Ólafur Jens Daðason og er reiknað með að báturinn haldi til veiða á morgun.

Meðfylgjandi mynd var tekin af Hrólfi Einarssyni ÍS í Hafnarfjarðarhöfn um síðustu helgi.