Núna förum við aftur af stað með Víkara vikunnar. Að þessu sinni kynnust við Gerði Ágústu Sigumundsdóttur.

Gerður Ágústa er dóttir hjónanna Sigmundar Þorkelssonar og Sigríðar Björgmundsdóttur og á eina yngri systur, Hugrúnu Emblu Sigmundsdóttur. Bolungarvík er háttskrifuð hjá Gerðu þar sem ún hefur búið í Víkinni allt sitt líf, í sama húsinu, Holtabrún 10, og þó kærastann hafi hún fundið á Ísafirði þá var hún ekki lengi að koma honum hingað úteftir: „Ég fann kærastann inná Ísafirði fyrir 3 árum og var fljót að draga hann út í Vík.“ segir Gerður. 

Gerður Ágústa lauk skyldunámi sínu við Grunnskóla Bolungarvíkur vorið 2008, þá um haustið lá leið hennar í Menntaskólann á Ísafirði sem hún lauk núna í vor með stúdentspróf af náttúrufræðibraut. „Ég tók sjúkraliðan með og á bara 3 áfanga eftir í honum en ákvað að klára hann ekki og demba mér bara beint í hjúkrunarfræði í fjarnámi frá Háskólanum á Akureyri.“ segir Gerður þegar hún er spurð hvort hún hyggst stefna að frekari námi. Síðustu þrjú sumur hefur Gerður starfað á Sjúkraskýlinu í bænum og fann þá að hún vildi starfa innan heilbrigðisgeirans: „Ég fíla það alveg í tætlur að vinna á Skýlinu og alveg búin að finna að þetta er einhvað fyrir mig.“

Þann 17. júní var Gerður Ágústa í hlutverki Fjallkonunar og stóð sig með prýði í því hlutverki.

Nafn: Gerður Ágústa Sigmundsdóttir
Aldur: Tvítug í haust
Maki: Jón Kristinn Stefánsson
Börn: Ekki á næstunni
Draumabíllinn: Subaru Legasy
Draumahúsið: Einhvað voðlega hentugt
Draumastarfið: Hjúkrunarfræðingur
Fallegasti staðurinn: Ég hef aldrei séð neitt fallegra en vestfirði.
Færir þú í teygjustökk: Nei það myndi ég aldrei gera! Taldi mig einu sinni ótrúlega frakka og ætlaði í öll tækin í tívolíi í Danmörku því ég hafði aldrei orðið hrædd í neinu svona tæki hér á Íslandi .. og já ég fór held ég í eitt eða tvö tæki og hætti þá snarlega við .. fór síðan í fallturn út á Benedorm og ég held að það muni duga mér hér eftir að hofta bara á.
Hvað er það fyrsta sem þú tekur eftir í fari fólks: Hvort það er tilgerðarlegt.
Lífsmottó: Gera allt eins vel og ég get