Víkari.is - Fréttavefur Bolvíkinga
Fréttir | 19.3.2017 15:11:28 |
Sirrý aflahæst á síðasta ári

Skuttogarinn Sirrý ÍS-36 var aflashæsta skipið sem landaði í Bolungarvíkurhöfn á síðasta ári. Afli skipsins var rúmlega 3.700 tonn en skipið hóf þó ekki veiðar fyrr en í lok febrúar þannig að þessi afli náðist á aðeins 10 mánuðum.

 

Dragnótarbáturinn Ásdís ÍS-2 kom næstur með rúmlega 1.900 tonn en þar á eftir komu línubátarnir Fríða Dagmar ÍS-103 með 1.743 tonn og Jónína Brynja ÍS-55 með 1.731 tonn. Þá var dragnótarbáturinn Finnbjörn ÍS-68 með 1.512 tonna afla á síðasta ári.

 

Aðrir bátar sem náðu yfir 1.000 tonna afla árið 2016 voru línubátarnir Einar Hálfdáns ÍS-11 með 1.156 tonn, Otur II ÍS-173 með 1.079 tonn og Guðmundur Einarsson ÍS-155 með 1.027.

 

Samtals voru þessi 8 skip með tæplega 14.000 tonna afla eða rúmlega 70% af öllum lönduðum afla í Bolungarvík árið 2016 en heildaraflinn var rúmlega 19.000 tonn.


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.