Víkari.is - Fréttavefur Bolvíkinga
Fréttir | 15.10.2018 10:37:14 |
Úrgangur er auðlind

Stefán Gíslason umhverfisstjórnunarfræðingur verður með kynningarfund fyrir íbúa norðanverðra Vestfjarða mánudaginn 15. október kl. 16:30 í sal Stjórnsýsluhúsins á Ísafirði.

 

Stefán fjallar um úrgang frá heimilum og hvernig á að meðhöndla hann ásamt því að fara yfir það hvernig íbúar geta unnið í markmiðum loftslagssamnings Íslands.

 

Í hádeginu sama dag milli kl. 12 og 13 gefst fyrirtækjum kostur á að senda fulltrúa sinn til að sitja súpufund á Hótel Ísafirði og hlusta á erindi Stefáns.

 

Vestfjarðastofa stendur að kynningarfundunum ásamt sveitarfélögunum þremur á norðanverðum Vestfjörðum. Fundirnir eru þáttur í þeim markmiðum er sveitarfélögin hafa set sér í verkefninu „Umhverfisvottun Vestfjarða“.
 

Sveitarfélögin á Vestfjörðum ásamt Vestfjarðastofu hafa unnið ötullega að því að ná þeim markmiðum í umhverfismálum sem sett eru í verkefninu og sveitarfélögin samþykktu að halda áfram með það verkefni á nýliðnu haustþingi Vestfjarðastofu og þar var einnig ákveðið að stefna að því að sveitarfélögin verði leiðandi í umhverfismálum á næstu árum.


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.