Víkari.is - Fréttavefur Bolvíkinga
Fréttir | 5.7.2019 14:44:12 |
Minnismerkið um skipalestina QP-13

Minnismerkið er um mesta sjóslys og eitt stærsta björgunarafrek Íslandssögunnar.

 

Þann 5. júlí 1942, í miðri heimsstyrjöldinni síðari, sigldi skipalestin QP-13, á leið frá Murmansk í Rússlandi til Hvalfjarðar, í belti tundurdufla sem lagt hafði verið til varnar óvinaskipum norður af Aðalvík á Vestfjörðum. 

 

Sex skip fórust, fjögur bandarísk, eitt breskt og eitt rússneskt og með þeim um 240 manns, karlar, konur og börn. Telst þetta mesta slys á sjó í Íslandssögunni.

 

Um 250 manns var bjargað úr sjónum við erfiðar og hættulegar aðstæður. Þar af vann lítið franskt herskip það einstæða afrek að bjarga um 180 manns og má telja það eitt mesta björgunarafrek Íslandssögunnar.

 

Minnismerkið QP-13 er við Stigahlíð í Bolungarvík og má sjá slysstaðinn þaðan sem merkið stendur. 

 

Minnismerkið var vígt við hátíðlega athöfn laugardaginn 5. júlí 2014. Samgöngufélagið stóð fyrir gerð minnismerkisins. 


Myndbandið
Næstu viðburðir
Ekkert fannst!
Nýjustu myndirnar
Smelltu til að skoða Vígsla snjóflóðagarðanna
Snjóflóðavarnargarðarnir Vörður og Vaki í Bolungarvík voru vígðir laugardaginn 20. september.