Dúettinn Funi heldur tónleika í Einarshúsi miðvikudagskvöldið 22. maí og hefjast þeir klukkan 21:00. Þar munu þau Bára Grímsdóttir og Chris Foster leika af nýjum hljómdiski sem ber heitið FLÚR og kom út 2. apríl síðastliðinn og inniheldur lítt þekkta, gullfallega, íslenska þjóðlagatónlist. Á diskinum Flúr er að finna nokkur ný lög eftir Báru sem fæst hafa verið hljóðrituð til útgáfu fyrr. Meirihlutinn eru þó kvæðalög, tvísöngslög og sálmalög sem fundist hafa í ýmsum gömlum heimildum og eru flutt í útsetningum Báru og Chris. Textarnir eru bæði nýir og gamlir, allt frá þjóðkvæðum og sálmum frá 16. öld til kvæða eftir Grím Lárusson frá Grímstungu, föður Báru. Umgjörð disksins er vönduð og með honum fylgir 32 bls. bæklingur á íslensku og ensku.

Það verður mikið um dýrðir í Bolungarvík þegar Sjómannadeginum verður fagnað í ár. Sjómannadagurinn er ætíð fyrsta sunnudag í júní og ber daginn upp á 1. júní í ár. Bolvíkingar ætla að halda myndarlega upp á Sjómanndaginn og hefst dagskráin síðdegis á föstudagi og stendur alveg fram á seinni part á sunnudegi.

Meðal viðburða í ár má nefna dorgveiðikeppni, sædýrasýningu, tónlistarhátíðina Þorskinn, leiksýningar, hátíðarmessu, fótboltamót, kaffisamsæti, hátíðarsiglingu með varðskipinu Þór og  bolvískum bátum og dansleik þar sem Herbert Guðmundsson og hljómsveitin KAN halda upp fjörinu. Ekki má gleyma hinni árvissu skemmtidagskrá við höfnina þar m.a. verður keppt í kappróðri, línubeitningu, belgjaslag, flekahlaupi og Þuríðarsundi í ...

Það má með sanni segja að mikið líf sé á hafnarvæðinu í Bolungarvík þegar trillurnar streyma að landi eftir vel heppnaða sjóferð. Ljósmyndari Víkara myndaði lífið við höfnina í síðustu viku en þá myndaðist löndunarbið þegar strandveiðibátarnir komi til hafnar hver á eftir öðrum í fallegu vorveðri. Afraksturinn má sjá með því að smella á tengilinn hér að neðan.

.