Víkari.is

Elísabet Traustadóttir sigraði í undankeppni Menntaskólans á Ísafirði sem fór fram á föstudag. Elísabet Hún söng lagið Minningaregn og Bjarni Kristinn Guðjónsson spilaði undir á kassagítar. Lagið heitir upphaflega Kathy´s song og Simon and Garfunkel gerðu það frægt á sínum tíma. Freydís Ósk Daníelsdóttir samdi íslenkan texta. Í öðru sæti var Linda Björg Guðmundsdóttir með frumsamda lagið Lítil saga, textinn var eftir hana sjálfa. Í þriðja sæti var Lísa Marý Viðarsdóttir, hún söng Ég veit þú kemur. Alls voru tíu atriði í keppninni.

Elísabet verður því verðugur fulltrúi MÍ á söngkeppni framhaldsskólanna á Akureyri í apríl og spennandi verður að fylgjast með þátttöku hennar í keppninni.

Frá þessu er greint á vef Bæjarins besta.